ازيرا 2014 مشكلة في الماكينة

عاير الزيت لاينقص وصلح المروحه وتوكل على الله بئذن الله ماراح تواجهك مشكله اهم شي لاتشد عليها لى انه مع الشد تصرف زيت 

دام طلع دخان مع الشكمان ف هي شنابر 

خلك ورا الشكمان وخل اخوك الصغير يدوس بنزين اذا طلع دخان ابيض اعرف المكينه فعلن فيها شنبر اما سالفه ترشيح زيت الزيت يحترق في اقل من دقيقه ويختفي الدخان

أخ مشاوير اذا طلع الدخان من الشكمان على أي أساس صارت شنابر مباشرة ؟ 
جلد البلوف لما تكون تعبانة ينزل الزيت على سطح البستن ويحترق من شرارة البواجي ويطلع من الشكمان على شكل دخان لونه أبيض مائل للأرق

فمو كل دخان طالع من الشكمان يعني شنابر 

اجلدها على طريق السفر ووقتها بتعرف فعلا هل السيارة يعتمد عليها او لا
ولو فيه طريق في مدينتك سريع وفاضي جرب فيه
زي اللي يربط بين مدينتين والناس تتجنبه لانه ما فيه خدمات
وخل اخوياك او احد قرايبك في سيارة ثانيه عشان لو خربت عليك ما تبتلش

ويوم كان فيها مشكله ليه اشتريتها ؟؟
لو شفت وحده ثانيه غيرها ما هو افضل ؟!!!

ياغالي علشان اختصرك الموضوع

دخان ابيض : جلد البلوف او كربون عادي خصوصا اذا دقيت السلف والموتر طول مااشتغل

دخان ازرق : المكينه يبغالها تسقيط شنبر ( نص توظيب) لان السلندر منشطب ويهرب زيت لغرفه الاحتراق وكيف تكتشفها ذي؟ شيك على الزيت وشوف هل هو ينقص نقص جامد علبه او علبتين اما ربع او نص علبه مايعتبر شي

دخان اسود : مالنا علاقه فيه ذا يخص سيارات الديزل القديمه اللي بدون تيربو

ولعلمك انا املك نفس السيارة ونفس الموديل ومكينه 6 سلندر .. اذا كان الترشيح تحصله حوالين ثلاجه المكينه فما له اي تأثير نهائيا لكن شوف (( لايكون صاحب الموتر الاول مضحوك عليه ومنغش وش دخل راس المكينه دام السالفه ترشيح وحلها تغيير بلف ضغط الزيت ولو تركته ماله اي ضرر )) الا اذا كانت المشكله مختلفه عن اللي ذكرت فهذا شي ثاني

وعلى حسب وصفك ترى موترك مافيه الا العافيه (( انا ماشفت ولا فحصت لكن اعتمد على كلامك))

دام الكربون الابيض طلع فترة وانقطع انصحك تغير البواجي سعرها 180ريال 6 حبات وفك الثلاجه مع تنظيفها بالنزين و وتنظيف الثروتل (( بوابه الهواء)) ب 150

اهم شي بالازيرا اهتم بتغيير فلتر الهواء والمكيف كل 15 الى 20 الف وسعره 40 ريال وصفايه البنزين مع زيت القير كل 80 الف وسعر الصفايه 50 ريال اصلي قطعها برخص التراب ولاتقول قطع يارس .. هذي القطع الاستهلاكيه الدورية ومبروك عليك الموتر الله يعطيك خيره ويكفيك شره

مثل ماقالو اغلب الاخوان 
الدخان الابيض خراب في المكينة وهو ناتج عن احتراق زيت ممكن شنبر او جلد بلوف وهو الاخطر والاغلى كلفة للتصليح
الدخان الاسود كربون  وناتج عن احتراق بنزين وهو البسيط والاقل خطورة والارخص في التصليح 

عن تجربة  نقص الزيت مو خطر عليك وقت السفر بس تأكد من الزيت وزود ،،، بعضهم يقعد مدة طويلة والسيارة تنقص ولكن يكلفك  تزود كل مدة 

مشكورين اخواني وكل الشكر لكل شخص شارك في هذا الموضوع

الدخان الابيض ليس في كل الاحوال يدل على انتهاء عمر المكينة

انا شفت فيديو  واحد عنده المشكلة وكان حلها بسيط ولكن ناسي اسم الفيديو

المشكلة ( اذا المكينة سليمة ) من بلف التبخير موجود جنب المكينة

ابوهيثم 7 اقدر اتواصل معاك خاص يا غالي؟ بخصوص الكربون او الدخان الابيض الناتج .. عندي مشكلة تاخير تشغيل السيارة ودخان فقلت لو عندك خلفية تفيدني الله يجزاك خير

تم حل مشكلة الماكينة سبب الدخان بوابة الهواء تم تنظيفها باستخدام مادة هي سبب خروج الدخان الابيض
الحين أخذنا السياره لفه كذا نجربها دعسة البنزين فيها ضعف عند القومة ولين اخفف عند الزحام تقوم بشويش
شوروا علي يااخوان واعتذر لو ازعجناكم

ضعف العزم من اكثر من سبب البواجي وطرمبه البنزيم البخاخات الصفايه حق البنزيم اذا وصخه تسبب ثقل فى العزم اناانصحك انك تبدا بلبسيط بواجي تنضيف بخاخات كذا حبه حبه لين تحل المشكله والله ييسر امرنا وامرك 

رح اكتب تجربتي هنا ان شاء الله بعد التأكد من سبب العطل